សម្តេចធិបតីនាយករដ្ឋមន្ត្រី ហ៊ុន ម៉ាណែត ចេញអនុក្រឹត្យ ស្តីពី ការបង្កើតគណៈកម្មាធិការគ្រប់គ្រងធនធានខ្សាច់

(ភ្នំពេញ)៖ សម្តេចធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា ចេញអនុក្រឹត្យ ស្តីពី ការបង្កើតគណៈកម្មាធិការគ្រប់គ្រងធនធានខ្សាច់។ នេះបើតាមអនុក្រឹត្យដែលបណ្តាញព័ត៌មាន  ទទួលបាននៅថ្ងៃទី៣១ ខែសីហានេះ៕

ខាងក្រោមនេះជាអនុក្រឹត្យរបស់សម្តេចធិបតី ហ៊ុន ម៉ាណែត៖

(សូមអានបន្ត)

រដ្ឋមន្ត្រីសុខាភិបាល ចុះពិនិត្យការបម្រើសេវាសុខាភិបាលពេលយប់ ក្នុងមណ្ឌលសុខភាព តក្តវិទ ខេត្តព្រះសីហនុ

ព្រះសីហនុ)៖ លោកសាស្រ្តាចារ្យ ឈាង រ៉ា រដ្ឋមន្រ្តីក្រសួងសុខាភិបាល នៅយប់ថ្ងៃទី១៥ ខែសីហា ឆ្នាំ១០២៤នេះ បានអញ្ជើញចុះពិនិត្យស្ថានភាពសុខាភិបាល នៅមណ្ឌលសុខភាពតក្កវិទ ដែលស្ថិតនៅភូមិចាំស្រី ឃុំកំពង់សីលា ស្រុកកំពង់សីលា ខេត្តព្រះសីហនុ ដែលមានការអញ្ជើញចូលរួមពីលោក គណៈអភិបាលខេត្ត ម៉ាង ស៊ីណេត ផងដែរ។

ក្នុងឳកាសនោះ លោកសាស្ត្រាចារ្យ បានណែនាំឱ្យបុគ្គលិកសុខាភិបាល បន្តខិតខំប្រឹងប្រែងបន្ថែមទៀត ដើម្បីបម្រើសេវាជូនប្រជាពលរដ្ឋ កាន់តែកក់ក្តៅ ២៤ម៉ោងលើ២៥ម៉ោង ប្រកបដោយសុវត្ថិភាព និងប្រសិទ្ធភាពខ្ពស់។

ការអញ្ជើញចុះមកពិនិត្យស្ថានភាពនៅមន្ទីរពេទ្យមណ្ឌលសុខភាពដាច់ស្រយាលនេះ បន្ទាប់ពីលោកសាស្ត្រាចារ្យរដ្ឋមន្ត្រី ដឹកនាំថ្នាក់ដឹកនាំក្រសួងចុះពិនិត្យស្ថានភាពមូលដ្ឋានសុខាភិបាលនៅខេត្តកំពង់ស្ពឺ។

ក្នុងអញ្ជើញចុះពិនិត្យមណ្ឌលសុខភាពទាំងយប់នេះ បានធ្វើឲ្យបុគ្គលិកសុខាភិបាល បានសម្តែងនូវការសប្បាយរីករាយយ៉ាងខ្លាំង ពេលបានថ្នាក់ដឹកនាំមកចុះសួរសុខទុក្ខ ប្រកបដោយក្តីអាណិត ស្រលាញ់ និងយកចិត្តទុកដាក់ខ្ពស់ ពិសេសបានផ្តល់ថវិកាលើទឹកចិត្តដល់បុគ្គលនៃមណ្ឌលសុខភាពផងដែរ។

សូមជម្រាបថា ដំណើរបេសកកម្មចុះពិនិត្យស្ថានភាព និងវឌ្ឍនភាពបម្រើសេវាសាធារណៈនៅតាមមូលដ្ឋានសុខាភិបាលនេះ មិនមែនជាលើកដំបូងនោះទេ ហើយសម្រាប់បេសកកម្មនេះ មានរយៈពេល ៤ថ្ងៃ ចាប់ពីថ្ងៃទី១៥-១៨ ខែសីហា ឆ្នាំ២០២៤ និងក្នុងខេត្តចំនួន ៤ រួមមាន ខេត្តកំពង់ស្ពឺ ព្រះសីហនុ កោះកុង និងខេត្តបៃលិន។ សម្រាប់បេសកកម្មនេះ ជាបេសកកម្មចុះតាមបណ្តាខេត្តចុងក្រោយនៃបេសកកម្មរបស់លោកសាស្ត្រាចារ្យរដ្ឋមន្ត្រី ឈាង រ៉ា ក្នុងរយៈពេលមួយឆ្នាំ ក្នុងអាណត្តិទី៧៕

(សូមអានបន្ត)

អគ្គស្នងការរងនគរបាលជាតិ ក្រើនរំលឹកដល់កងកម្លាំងឈ្វេងយល់បន្ថែមនូវចំណេះដឹងផ្នែកព័ត៌មានវិទ្យា ក្នុងការបង្ក្រាបបទល្មើស

បន្ទាយមានជ័យ :ថ្ងៃទី២៧ ខែមិថុនា ឆ្នាំ២០២៤ ឯកឧត្តមឧត្តមសេនីយ៍ឯក ឆាយ គឹមខឿន អគ្គស្នងការរង ទទួលផែនសេនាធិការ តំណាងដ៏ខ្ពង់ខ្ពស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ បានក្រើនរំលឹកដល់កងកម្លាំងនគរបាលទាំងអស់ត្រូវបន្តឈ្វេង យល់ចំណេះដឹងបន្ថែម ពិសេសចំណេះដឹងផ្នែកពត៌មានវិទ្យា បង្ក្រាបបទល្មើសព្រហ្មទណ្ឌគ្រប់ប្រភេទ និងត្រូវពង្រឹងការអនុវត្តគោលនយោបាយភូមិឃុំសង្កាត់មានសុវត្ថិភាព ឱ្យ បានល្អប្រសើរថែមទៀត ដើម្បីឱ្យសហគមន៍មូលដ្ឋានរបស់យើងគ្មាន បទល្មើសការជួញដូរគ្រឿងញៀន គ្មានអំពើលួច ឆក់ ប្លន់ក្រុមក្មេងទំនើងជាដើម។

មានប្រសាសន៍យ៉ាងដូច្នេះក្នុងឱកាសឯកឧត្តមឧត្តមសេនីយ៍ឯក ឆាយ គឹមខឿន បានអញ្ជើញជាអធិបតីក្នុងពិធីបិទវគ្គបំប៉នជំនាញការងារថ្នាក់ដឹកនាំ ដល់ស្នងការរង នគរបាលខេត្តតាមបណ្តាលខេត្តនៅភាគពាយព្យប្រទេសដែលបានធ្វើឡើង នៅ ស្នងការដ្ឋាននគរបាលខេត្តបន្ទាយមានជ័យកាលពីរសៀលថ្ងៃទី២៦ ខែមិថុនានេះ។

វគ្គបំប៉នជំនាញថ្នាក់ដឹកនាំដល់ស្នងការរងនេះ មានរយះពេល៥ថ្ងៃ ចាប់ពីថ្ងៃទី២២ ដល់ថ្ងៃទី២៦ ខែមិថុនា ឆ្នាំ២០២៤ នេះដែលមាន សិក្ខាកាមចូលរួម ចំនួន៩៩នាក់ មកពីខេត្តបន្ទាយមានជ័យ, ខេត្តបាត់ដំបង ,ខេត្តពោធិ៍សាត់ និងប៉ៃលិន។

ជាមួយនោះដែរ ឯកឧត្តម ឧត្តមសេនីយ៍ឯក ឆាយ គឹមខឿន បានផ្ដល់អនុសាសន៍ ដល់សិក្ខាកាមទាំងអស់ដែលបានចូលរៀនវគ្គបំប៉ននេះហើយ ត្រូវយកចំណេះដឹងទាំងនោះ ទៅផ្សព្វផ្សាយអនុវត្តផ្ទាល់ឱ្យមានប្រសិទ្ធភាព ដើម្បីបម្រើការងារជូនអង្គភាពរបស់ខ្លួន និងប្រជាពលរដ្ឋ បានកាន់តែល្អប្រសើរថែមទៀត៕ ដោយឈុនសរ៉ាត​, ផ្សាយដោយ៖dara

(សូមអានបន្ត)

កម្លាំងនគរបាលប្រឆាំងបទល្មើសសេដ្ឋកិច្ចរាជធានីភ្នំពេញសហការជាមួយមន្រ្តីក ប ប បង្រ្កាបសាច់បង្កក ជាង២០០គីឡូក្រាម

 កម្លាំងនគរបាលប្រឆាំងបទល្មើសសេដ្ឋកិច្ចរាជធានីភ្នំពេញសហការជាមួយមន្រ្តីក ប ប បង្រ្កាបសាច់បង្កក ជាង២០០គីឡូក្រាម

នគរបាលប្រឆាំងបទល្មើសសេដ្ឋកិច្ចនៃស្នងការដ្ឋាននគរបាលរាជធានីភ្នំពេញសហការជាមួយមន្រ្តី ជំនាញ ក ប ប បង្រ្កាបសាច់បង្កក គ្មានសុវត្ថិភាពផ្នែកចំណីអាហារបង្កប៉ះពាល់សុខភាព​ប្រជាពលរដ្ឋ​ជាង២០០គីឡូក្រាម។

ជាក់ស្ដែងកាលពីថ្ងៃទី១៣ ខែមិថុនា ឆ្នាំ២០២៤ ម្សិលមិញ កម្លាំងការិយាល័យ​នគរបាល​ប្រឆាំង​បទ​ល្មើស​សេដ្ឋកិច្ចនៃស្នងការដ្ឋាននគរបាលរាជធានីភ្នំពេញដឹកនាំដោយលោកឧត្តមសេនីយ៍ទោ ពិត បញ្ញា ស្នងការរងទទួលផែនការងារនគរបាលប្រឆាំងបទល្មើសសេដ្ឋកិច្ច អនុវត្ត​តាម​បទ​បញ្ជា​ផ្ទាល់​របស់​ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរង និង​ជា​ស្នង​ការ​នគរបាល​រាជ​ធានី​ភ្នំពេញ បានស្រាវជ្រាវបង្រ្កាប​ផលិត​ផល​សាច់​បង្កក​គ្មានសុវត្ថិភាពផ្នែកចំណី​អាហារបង្ក​ប៉ះពាល់​សុខភាពប្រជាពលរដ្ឋអ្នកប្រើប្រាស់ ដែលនាំចូល​ពី​ប្រទេសជិ​ត​ខាង​ខុស​ច្បាប់​ខណៈ​ដែល​ឈ្មួញ​ដឹក​តាមរថយន្តម៉ាកស្តារិក មួយគ្រឿង យកមកលក់ចែក​ចាយ​ឱ្យអា​ជីវករ​លក់​សាច់​គោ​នៅ​ក្នុង​ខណ្ឌ​ប្ញស្សីកែវ រាជធានីភ្នំពេញ។

មន្រ្តីនគរបាលប្រឆាំងបទល្មើសសេដ្ឋកិច្ចប្រាប់ឱ្យដឹងថា៖សាច់បង្កកទាំងនោះសរុប២២០០គីឡូក្រាម​រួមមាន៖ សាច់គោ សាច់ក្របី និងសាច់ឆ្អឹងជំនីរ។ សាច់បង្ក​ទាំងនេះមន្រ្តីជំ​នាញ​ពិនិត្យ​គឺ​ការ​នាំចូល​គ្មានឯកសារបញ្ជាក់ពីប្រភពច្បាស់លាស់ និងមិនអនុលោមតាមលក្ខខណ្ឌ តម្រូវម្ហូបអាហារ សាច់បង្កកនេះ នៅថ្ងៃដដែលកម្លាំង​ការិយាល័យនគរបាលប្រឆាំង​បទ​ល្មើស​សេដ្ឋកិ​ច្ច​បាន​ប្រគល់​ឱ្យ​មន្រ្តី កបប រាជធានីភ្នំពេញ ដើម្បីយកទៅដុតកំទេចចោល ចំណែកអ្នកបើក​រថយន្ត​ដឹក​សាច់បង្កក ត្រូវបានមន្រ្តីជំនាញ កបប នាំយកទៅសូរនាំតាមនីតិវិធី៕ 

(សូមអានបន្ត)

អគ្គស្នងការដ្ឋាននគរបាលជាតិ បន្ដធ្វើសមយុទ្ធពន្លត់អគ្គិភ័យនៅផ្សារទំនើបអ៉ីអន៣ ដើម្បីពង្រឹងស្មារតីក្នុងត្រៀមសង្គ្រោះ និងជម្លៀសខ្លួនពីកន្លែងកើតហេតុ

(ភ្នំពេញ)៖ នាយកដ្ឋាននគរបាលបង្ការ ពន្លត់អគ្គិភ័យ និងសង្គ្រោះ នៃអគ្គស្នងការដ្ឋាននគរបាលជាតិ នៅព្រឹកថ្ងៃទី២៧ ខែឧសភា ឆ្នាំ២០២៤នេះ បានបន្ដសហការជាមួយផ្សារទំនើបអ៉ីអន៣ ស្ថិតក្នុងខណ្ឌមានជ័យ រាជធានីភ្នំពេញ បើកការធ្វើលំហាត់សមយុទ្ធពន្លត់អគ្គិភ័យ និងសង្គ្រោះ។ ក្រៅពីមន្ដ្រីនគរបាលជំនាញរបស់នាយកដ្ឋាន ក៏មានការចូលរួមពីបុគ្គលិករបស់ផ្សារទំនើបអ៉ីអន៣ ជាច្រើនរូបទៀតផងដែរ។

លោកឧត្តមសេនីយ៍ត្រី សេក ធឿន អនុប្រធាននាយកដ្ឋាននគរបាលបង្ការ ពន្លត់អគ្គិភ័យ និងសង្គ្រោះ បានលើកឡើងថា ការធ្វើសមយុទ្ធរួមគ្នានៅពេលនេះ ដើម្បីឲ្យមន្ដ្រីនគរបាលជំនាញមានឱកាសពន្យល់អំពីការងារបច្ចេកទេសមួយចំនួន ដល់បុគ្គលិករបស់ផ្សារទំនើបអ៉ីអន៣ ឲ្យមានភាពច្បាស់ការ និងចូលរួមបង្ការ ទប់ស្កាត់ ពិសេសសង្គ្រោះបឋមនៅពេលមានគ្រោះអគ្គិភ័យកើតឡើង។

លោកឧត្តមសេនីយ៍ត្រី សេក ធឿន បានអះអាងថា ដោយអនុវត្តតាមការចង្អុលបង្ហាញពីនាយឧត្តមសេនីយ៍ ស ថេត អគ្គស្នងការនគរបាលជាតិ ពិសេសលោកឧត្តមសេនីយ៍ឯក នេត វន្ថា ប្រធាននាយកដ្ឋាននគរបាលបង្ការ ពន្លត់អគ្គិភ័យ និងសង្គ្រោះ មន្ដ្រីនគរបាលជំនាញតែងតែផ្ដល់នូវកិច្ចសហការល្អជាមួយបណ្ដាគ្រឹះស្ថាន សហគ្រាស ពិសេសទីផ្សារធំៗ ដើម្បីជួយបណ្ដុះបណ្ដាលដល់បុគ្គលិកអំពីវិធានការបង្ការ និងការសង្គ្រោះបឋមនេះ។

លោកបានយល់ឃើញថា កន្លងទៅរហូតមកដល់ពេលនេះ ផ្សារទំនើបអ៉ីអន តែងតែរក្សាបានយ៉ាងខ្ជាប់ខ្ជួននូវកិច្ចសហការជាមួយនាយកដ្ឋានជំនាញ ហើយក៏តែងតែធ្វើសមយុទ្ធរួមគ្នាជាទៀងទាត់នៅគ្រប់សាខាទាំង៣នៃផ្សារទំនើបអ៉ីអន។ លោកចាត់ទុកថា នេះជាគំរូមួយដែលម្ចាស់ទីតាំងដ៏ទៃទៀត គួរអនុវត្តតាម ជាពិសេសគោរពទៅតាមបទដ្ឋានគតិយុត្តិជាធរមាន។

ជាមួយគ្នានេះ លោក ជូ សុវណ្ណារ៉ា អ្នកគ្រប់គ្រងទូទៅ នៃផ្សារទំនើបអ៉ីអន៣ បានលើកឡើងថា ផ្សារទំនើបអ៉ីអន៣ តែងស្នើសុំកិច្ចសហការពីនាយកដ្ឋាននគរបាលបង្ការ ពន្លត់អគ្គិភ័យ និងសង្គ្រោះ ដើម្បីឲ្យបុគ្គលិកបានស្គាល់កាន់តែច្បាស់ និងត្រៀមខ្លួនក្នុងការបង្ការ និងសង្គ្រោះអគ្គិភ័យ។ លើសពីនេះ ដើម្បីឲ្យមន្ដ្រីនគរបាលរបស់នាយកដ្ឋានជំនាញ បានស្គាល់ច្បាស់អំពីទីតាំងប្រទាក់ក្រឡាគ្នា នៃបណ្ដាញទុយោទឹករបស់ផ្សារ។

លោកបានបន្ដថា ការស្នើសុំកិច្ចសហការធ្វើសមយុទ្ធនេះ ក៏ដើម្បីឲ្យបុគ្គលិករបស់ផ្សារទាំងអស់មានចំណេះដឹងបន្ថែម និងពង្រឹងស្មារតីឲ្យបានល្អ ក្នុងករណីមានអគ្គិភ័យកើតឡើង ងាយស្រួលក្នុងការគ្រប់គ្រង និងរាយការណ៍សុំជំនួយអន្ដរាគមន៍។ លោកបន្ថែមទៀតថា គ្រប់ផ្សារទំនើបអ៉ីអនទាំងអស់ ពិសេសអ៉ីអនមានជ័យ (អ៉ីអន៣) នៅតែបន្ដសហការជាមួយនាយកដ្ឋានជំនាញ ដើម្បីពង្រឹងសមត្ថភាពដល់បុគ្គល។

យោងតាមរបាយការណ៍របស់នាយកដ្ឋាននគរបាលបង្ការ ពន្លត់អគ្គិភ័យ និងសង្គ្រោះ បានឲ្យដឹងថា ជិត៥ខែ ដើមឆ្នាំ២០២៤ គិតពីថ្ងៃទី០១ ខែមករា ដល់ថ្ងៃទី២៣ ខែឧសភា ឆ្នាំ២០២៤ មានចំនួន៣៣៧/២៥៤លើក កើនឡើងចំនួន៨៣លើក ប្រៀបធៀបរយៈពេល១៤៤ថ្ងៃ (ជិត៥ខែ) ដើមឆ្នាំ២០២៣។

ក្នុងហេតុការណ៍នេះ បានបណ្ដាលឲ្យស្លាប់មនុស្ស ចំនួន២៣នាក់, ស្រី៤នាក់ និងរងរបួសមនុស្ស ចំនួន៣៦នាក់, ស្រី៣នាក់។ ខូចខាតឆេះផ្ទះចំនួន ២៤៣/២២៨ខ្នង, រោងចក្រ ៦/១អគារ, បន្ទប់៣៧/៤៩បន្ទប់, រថយន្ត ២២/៣៤គ្រឿង និងឃ្លាំង១៨/១០ឃ្លាំង។ មូលហេតុ ដោយសារឆ្លងចរន្តអគ្គិសនី ៣៥,១៨%, ការធ្វេសប្រហែសក្នុងការប្រើប្រាស់ភ្លើង ២៩,៣៩% និងក្ដាប់ពុំបាន១២,០៥%៕

(សូមអានបន្ត)