មេអាវុធហត្ថខេត្តឧត្តរមានជ័យ និងភរិយា នាំសម្ភារថវិកា ចែកជូនគ្រួសារអាវុធហត្ថសោធននិវត្តន៍ និងគ្រួសារអាវុធហត្ថពលី និងមរណៈ នៅស្រុកអន្លង់វែង និងស្រុកត្រពាំងប្រាសាទ

មេអាវុធហត្ថខេត្តឧត្តរមានជ័យ និងភរិយា នាំសម្ភារថវិកា ចែកជូនគ្រួសារអាវុធហត្ថសោធននិវត្តន៍ និងគ្រួសារអាវុធហត្ថពលី និងមរណៈ នៅស្រុកអន្លង់វែង និងស្រុកត្រពាំងប្រាសាទ

(ឧត្ដរមានជ័យ)៖ លោកឧត្តមសេនីយ៍ត្រី លី ដារិទ្ធ មេបញ្ជាការកងរាជអាវុធហត្ថខេត្តឧត្តរមានជ័យ និងលោកស្រី ប្រាក់ សុជាតា ព្រមទាំងក្រុមការងារ នៅព្រឹកថ្ងៃទី៥ ខែមិថុនា ឆ្នាំ២០២៤ បានអញ្ជើញជួបសំណេះសំណាលសួរសុខទុក្ខ និងចែកអំណោយមួយចំនួន ដល់មន្ត្រីអាវុធហត្ថសោធននិវត្តន៍ ព្រមទាំងគ្រួសារអាវុធហត្ថពលី មរណៈ នៅស្រុកអន្លង់វែង និងស្រុកត្រពាំងប្រាសាទ ចំនួន ៣៥នាក់។

នៅក្នុងឱកាសនេះដែរ លោកឧត្តមសេនីយ៍ត្រី លី ដារិទ្ធ បានថ្លែងពាំនាំនូវការផ្តំផ្ញើសាកសួរសុខទុក្ខ ពីលោកនាយឧត្តមសេនីយ៍ សៅ សុខា អគ្គមេបញ្ជាការរងនៃកងយោធពលខេមរៈភូមិន្ទ មេបញ្ជាការកងរាជអាវុធហត្ថលើផ្ទៃប្រទេស ផ្ញើជូនមន្ត្រីអាវុធហត្ថសោធននិវត្តន៍ ក៏ដូចជាគ្រួសារអាវុធហត្ថ ពលីនិងមរណៈ ដែលមានវត្តមានក្នុងពិធីនេះ។

លោកឧត្តមសេនីយ៍ត្រីមេបញ្ជាការ ក៏បានថ្លែងប្រាប់មន្ត្រីអាវុធហត្ថទាំងអស់ ពីការយកចិត្តទុកដាក់របស់នាយឧត្តមសេនីយ៍ សៅ សុខា មេបញ្ជាការកងរាជអាវុធហត្ថលើផ្ទៃប្រទេស ចំពោះមន្ត្រី និងពលអាវុធហត្ថគ្រប់រូប ក៏ដូចជាអង្គភាពអាវុធហត្ថនៅទូទាំងរាជធានី ខេត្ត ក្រុង ស្រុក ដែលបានធ្វើឱ្យកម្លាំងអាវុធហត្ថ និងក្រុមគ្រួសារទាំងអស់មានភាពកក់ក្តៅ។

ក្នុងនាមនាយឧត្តមសេនីយ៍ សៅ សុខា លោកឧត្តមសេនីយ៍ត្រី លី ដារិទ្ធ បានថ្លែងនូវការកោតសរសើរដល់មន្ត្រីអាវុធហត្ថដែលសោធននិវត្តន៍ទាំងអស់ ដែលកន្លងមកបានចូលរួមចំណែកយ៉ាងសកម្ម ក្នុងការការពារជាតិមាតុភូមិ ការពារសន្តិសុខ សណ្តាប់ធ្នាប់សង្គម បានយ៉ាងល្អប្រសើរ ស្របតាមមាគ៌ាដឹកនាំរបស់រាជរដ្ឋាភិបាល។

លោកក៏បានណែនាំដល់មន្ត្រីអាវុធដែលសោធននិវត្តន៍ ត្រូវបន្តយកចិត្តទុកដាក់ក្នុងការចូលរួមអនុវត្តន៍គោលនយោបាយភូមិ ឃុំ មានសុវត្ថិភាព របស់រាជរដ្ឋាភិបាល ឲ្យមានប្រសិទ្ធិភាពខ្ពស់។

អំណោយដែលនាំមកចែកជូននាពេលនេះ ក្នុងម្នាក់ៗទទួលបាន៖ អង្ករ ២៥គីឡូ ទឹកបរិសុទ្ធ ២កេស ទឹកដោះគោ ១កេស ទឹកត្រី ១យួរ ទឹកស៊ីអ៊ីវ ១យួរ សាប៊ូ ១ដប និងថវិកា ១០០,០០០រៀល សរុបជាថវិកាទាំងអស់ចំនួន ៧,៣១៩,០០០រៀល៕

(សូមអានបន្ត)

សម្តេចមហាបវរធិបតី បានផ្តល់ក្តីសង្ឃឹម និងភាពជឿជាក់ជូនប្រជាពលរដ្ឋនៅស្រុកលេីកដែកដែលរងផលប៉ះពាល់ដោយសារវិវាទដីធ្លីជាមួយក្រុមហ៊ុន ភឺន ផល្លា

 សម្តេចមហាបវរធិបតី បានផ្តល់ក្តីសង្ឃឹម និងភាពជឿជាក់ជូនប្រជាពលរដ្ឋនៅស្រុកលេីកដែកដែលរងផលប៉ះពាល់ដោយសារវិវាទដីធ្លីជាមួយក្រុមហ៊ុន ភឺន ផល្លា

(ខេត្តកណ្តាល)៖ បន្ទាប់ពីទទួលបា នរបាយការណ៍ និងសំណេីរបស់អាជ្ញាធរមូលដ្ឋាន ព្រមទាំងគណៈពង្រឹងស្រុកលេីកដែក ខេត្តកណ្តាលភ្លាម សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បា នពិនិត្យ និងចាត់តាំងឱ្យឯកឧត្តមបណ្ឌិត ប៉ាន់ខែម ប៊ុនថន នាយករងខុទ្ទកាល័យសម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា និងជាប្រធានក្រុមការងារពិសេសលេីកិច្ចការអន្តរាគមន៍ របស់នាយករដ្ឋមន្ត្រី សហការជាមួយឯកឧត្តម ហេង រតនា ប្រតិប្រធានក្រុមការងាររាជរដ្ឋាភិបាលចុះមូលដ្ឋានស្រុកលេីកដែក ដេីម្បីដឹកនាំក្រុមការងារចុះជួយអន្តរាគមន៍ដោះស្រាយបញ្ហាវិវាទដីធ្លីទំហំជាង៨ពាន់ហិកតា រវាងប្រជាពលរដ្ឋប្រមាណជាង២ពាន់គ្រួសាររស់នៅក្នុងឃុំចំនួន៣នៃស្រុកលេីកដែក ខេត្តកណ្តាល ជាមួយក្រុមហ៊ុន ភឺន ផល្លា ។

គ្រាន់តែបានឃេីញវត្តមានឯកឧត្តមបណ្ឌិត ប៉ាន់ខែម ប៊ុនថន និងឯកឧត្តម ហេង រតនា ព្រមទាំងក្រុមការងារ ចុះជួបប្រជាពលរដ្ឋដោយផ្ទាល់ តាមការចាត់តាំងរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា នារសៀលថ្ងៃទី០៥ ខែមិថុនា ឆ្នាំ២០២៤នេះ បងប្អូនប្រជាពលរដ្ឋដែលរងផលប៉ះពាល់នៅក្នុងរឿងនេះ បានសម្តែងការសប្បាយរីករាយប្រកបដោយក្តីសង្ឃឹម ស្នាមញញឹម និងភាពជឿជាក់ យ៉ាងមុតមាំ លេីការយកចិត្តទុកដាក់ខ្ពស់របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ចំពោះសុខទុក្ខរបស់ប្រជាពលរដ្ឋកម្ពុជាគ្រប់ទីកន្លែង និងគ្រប់ពេលវេលា។

នៅក្នុងជំនួបនេះឯកឧត្តមបណ្ឌិត ប៉ាន់ខែម ប៊ុនថន និងឯកឧត្តម ហេង រតនា ព្រមទាំងក្រុមការងារ បានស្តាប់ពីបញ្ហា និងសំណូមពររបស់បងប្អូនប្រជាពលរដ្ឋ ដេីម្បីជាមូលដ្ឋានសិក្សាស្រាវជ្រាវ និងបន្តទំនាក់ទំនងទៅកាន់ភាគីក្រុមហ៊ុន ភឺន ផល្លា ដេីម្បីពិនិត្យផ្ទៀងផ្ទាត់ឯកសារ ពាក់ព័ន្ធ សម្រាប់ឈានទៅរកដោះស្រាយ បញ្ចប់វិវាទនេះ សំដៅផ្តល់ភាពកក់ក្តៅ និងភាពត្រឹមត្រូវដល់ប្រជាពលរដ្ឋ និងភាគីពាក់ព័ន្ធ តាមអនុសាសន៍ និងការយកចិត្តទុកដាក់ខ្ពស់របស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ៕

(សូមអានបន្ត)

ឧបនាយករដ្ឋមន្ត្រីប្រចាំការ វង្សី វិស្សុត ចាត់ប្រតិភូនាំយកអំណោយប្រគល់ជូនគណៈបញ្ជាការឯកភាពខេត្តកំពង់ធំ ក្នុងប្រតិបត្តិការបង្ក្រាបបទល្មើសធនធានធម្មជាតិ

(កំពង់ធំ)៖ ព្រឹកថ្ងៃទី៥ ខែមិថុនា ឆ្នាំ២០២៤ នេះ លោក វង្សី វិស្សុត ឧបនាយករដ្ឋមន្ត្រីប្រចាំការ រដ្ឋមន្រ្តីទទួលបន្ទុកទីស្តីការគណៈរដ្ឋមន្រ្តី និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ធំ បានចាត់ប្រតិភូនាំដឹកនាំដោយលោក អេង ទូច រដ្ឋលេខាធិការទីស្តីការគណៈរដ្ឋមន្រ្តី និងជានាយកខុទ្ទកាល័យ ដើម្បីនាំយកនូវអំណោយជាសម្ភារៈ និងគ្រឿងឧបភោគបរិភោគ ទៅប្រគល់ជូនលោក ងួន រតនៈ អភិបាលនៃគណៈអភិបាលខេត្តកំពង់ធំ និងជាប្រធានគណៈបញ្ជាការឯកភាពខេត្តកំពង់ធំ ក្នុងប្រតិបត្តិការបង្ក្រាបបទល្មើសធនធានធម្មជាតិ ក្នុងភូមិសាស្រ្តខេត្តកំពង់ធំ។

ពិធីប្រគល់ទទួលអំណោយជាសម្ភារៈនិងគ្រឿងឧបភោគបរិភោគខាងលើ បានប្រព្រឹត្តិទៅនៅសាលាខេត្តកំពង់ធំ ដោយមានការចូលរួមពីសំណាក់កម្លាំងសមត្ថកិច្ចចំរុះពាក់ព័ន្ធ ដែលកំពុងអនុវត្តនូវប្រតិបត្តិការបង្ក្រាបបទល្មើសធនធានធម្មជាតិ ក្នុងភូមិសាស្រ្តខេត្តកំពង់ធំ តាមបទបញ្ជាដ៏ម៉ឹងម៉ាត់របស់ប្រមុខនៃរាជរដ្ឋាភិបាល។

លោក ងួន រតនៈ អភិបាលនៃគណៈអភិបាលខេត្តកំពង់ធំ និងជាប្រធានគណៈបញ្ជាការឯកភាពខេត្តកំពង់ធំ សូមថ្លែងនូវអំណរគុណយ៉ាងជ្រាលជ្រៅជូនចំពោះលោក វង្សី វិស្សុត ឧបនាយករដ្ឋមន្ត្រីប្រចាំការ រដ្ឋមន្រ្តីទទួលបន្ទុកទីស្តីការគណៈរដ្ឋមន្រ្តី និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តកំពង់ធំ ដែលបានផ្តល់នូវអំណោយឧបត្ថម្ភដ៏ថ្លៃថ្លានេះ និងសូមគោរពជូនពរលោកឧបនាយករដ្ឋមន្ត្រីប្រចាំការ សូមទទួលបាននូវជោគជ័យបន្ថែមទៀត ក្នុងភារកិច្ចបម្រើប្រទេសជាតិមាតុភូមិ ក្រោមម្លប់នៃសន្តិភាព។

(សូមអានបន្ត)

រដ្ឋមន្រ្តីក្រសួងបរិស្ថាន៖ កិត្តនាមកម្ពុជាស្អាត លើឆាកអន្តរជាតិ គឺអាស្រ័យលើសំឡេងរបស់ក្រុមយុវជនអ្នកស្រឡាញ់បរិស្ថាន

រដ្ឋមន្រ្តីក្រសួងបរិស្ថាន៖ កិត្តនាមកម្ពុជាស្អាត លើឆាកអន្តរជាតិ គឺអាស្រ័យលើសំឡេងរបស់ក្រុមយុវជនអ្នកស្រឡាញ់បរិស្ថាន

(ភ្នំពេញ)៖ នៅក្នុងជំនួបសំណេះសំណាល ជាមួយក្រុមយុវជនអ្នកស្រឡាញ់បរិស្ថាន សកម្មជនបរិស្ថាន យុវជនសំរាម និងនិស្សិតប្លាស្ទិក នារសៀលថ្ងៃទី០៤ ខែមិថុនា ឆ្នាំ២០២៤ លោកបណ្ឌិត អ៊ាង សុផល្លែត រដ្ឋមន្រ្តីក្រសួងបរិស្ថាន បានលើកឡើងថា កិត្តនាមកម្ពុជាស្អាត លើឆាកអន្តរជាតិ គឺអាស្រ័យលើសំឡេងរបស់ក្រុមយុវជនអ្នកស្រឡាញ់បរិស្ថាន។

លោកបណ្ឌិត អ៊ាង សុផល្លែត បានថ្លែងអំណរគុណ និងគាំទ្រ ចំពោះក្រុមយុវជនអ្នកស្រឡាញ់បរិស្ថាន ដែលបានរួមចំណែកធ្វើឱ្យកម្ពុជាស្អាត តាមរយៈការចូលរួមសំអាតអនាម័យបរិស្ថាន រើសសំរាម សំណល់ប្លាស្ទិកពីក្នុងលូ ប្រឡាយ នៅមុខរោងចក្រ និងនៅតាមទីសាធារណៈនានា ដើម្បីប្រមូលទុកដាក់ឱ្យបានត្រឹមត្រូវ។

លោករដ្ឋមន្រ្តីបានបន្ថែមថា ដើម្បីកម្ពុជាស្អាត ចាំបាច់ត្រូវមានការចូលរួមពីយុវជន និងភាគីពាក់ព័ន្ធទាំងអស់ធ្វើការរួមគ្នា ហើយក្នុងនោះយើងបានចាប់ផ្តើមពីចំណុចដំបូងគេ គឺធ្វើឱ្យប្រជាពលរដ្ឋ និងសិស្សានុសិស្ស បានបង្កើតផ្នត់គំនិតស្អាត ហើយភាពស្អាត ដែលផុសចេញពីចិត្តស្អាតនេះ បានធ្វើឱ្យយើងបានកាត់បន្ថយថង់ប្លាស្ទិកប្រមាណជាង ៣០លានថង់ក្នុង១ថ្ងៃ និងកាត់បន្ថយការនាំចូលថង់ប្លាស្ទិកប្រមាណជាង ៧០% នៅក្នុងដើមត្រីមាសដំបូង នៃឆ្នាំ២០២៤នេះ។

យោងតាមប្រសាសន៍របស់លោកបណ្ឌិត អ៊ាង សុផល្លែត លទ្ធផលសម្រេចបាននាពេលនេះ គឺជាការសបញ្ជាក់យ៉ាងច្បាស់ ពីភាពជោគជ័យនៃវិធានការការពារបរិស្ថានកម្ពុជា ហើយលើសពីវិធានការការពារ ក្រសួងបរិស្ថាន និងក្រុមយុវជនអ្នកស្រឡាញ់បរិស្ថាន រួមទាំងពាក់ព័ន្ធទាំងអស់ បានបន្តទៅដល់ការព្យាបាល គឺជាការរួមគ្នាក្នុងយុទ្ធនាការ «កម្ពុជាស្អាត ខ្មែរធ្វើបាន!»។ ដែលកំពុងរីកសាយភាយនូវភាពស្អាត ពីភូមិទៅដល់ឃុំ បន្តទៅដល់ស្រុកនឹងរហូតទៅដល់ខេត្ត នៅទូទាំងប្រទេសកម្ពុជា ដើម្បីបង្ហាញពីបទពិសោធន៍ស្អាតនេះ ទៅដល់ឆាកអន្តរជាតិថា កម្ពុជាដែលជាផ្ទះរបស់យើងទាំងអស់គ្នាស្អាតណាស់ ហើយយើងក៏មិនអនុញ្ញាតឱ្យអ្នកដទៃណាម្នាក់ មកវាយតម្លៃ ឬទិតៀន ប្រមាថថាកម្ពុជាបែបនេះ ឬបែបនោះទៀតឡើយ។

លោមបណ្ឌិត អ៊ាង សុផល្លែត បានបញ្ជាក់ដែរថា កម្លាំងសាមគ្គីរបស់យុវជន និងប្រជាពលរដ្ឋខ្មែរ គឺពិតជាចលករស្អាតដ៏សំខាន់ខ្លាំងក្លា ក្នុងការនាំកម្ពុជាឈានឆ្ពោះទៅកាន់ទម្លាប់ស្អាត គឺ«កម្ពុជាស្អាត ខ្មែរធ្វើបាន!»៕

(សូមអានបន្ត)

ក្រសួងមហាផ្ទៃ សម្រេចបង្កើតគណៈកម្មការចំពោះកិច្ច ស៊ើបអង្កេតករណីចំណាត់ការរបស់សាលាដំបូងខេត្តស្ទឹងត្រែង និងពន្ធនាគារខេត្តស្ទឹងត្រែង ពាក់ព័ន្ធការដោះលែងជនជាតិចិន ៨នាក់ ដែលលួចឆ្លងដែនខុសច្បាប់

 ក្រសួងមហាផ្ទៃ សម្រេចបង្កើតគណៈកម្មការចំពោះកិច្ច ស៊ើបអង្កេតករណីចំណាត់ការរបស់សាលាដំបូងខេត្តស្ទឹងត្រែង និងពន្ធនាគារខេត្តស្ទឹងត្រែង ពាក់ព័ន្ធការដោះលែងជនជាតិចិន ៨នាក់ ដែលលួចឆ្លងដែនខុសច្បាប់

ខេត្តស្ទឹងត្រែង និងពន្ធនាគារខេត្តស្ទឹងត្រែង ពាក់ព័ន្ធការដោះលែងជនជាតិចិន ៨នាក់ ដែលលួចឆ្លងដែនខុសច្បាប់ (ភ្នំពេញ)៖ អភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានចេញសេចម្តីសម្រេចបង្កើតគណៈកម្មការចំពោះកិច្ច ដើម្បីស៊ើបអង្កេតករណីចំណាត់ការនីតិវិធីរបស់សាលាដំបូងខេត្តស្ទឹងត្រែង និងពន្ធនាគារខេត្តស្ទឹងត្រែង ពាក់ព័ន្ធករណីការដោះលែងជនជាតិចិន ៨នាក់ ដែលលួចឆ្លងដែនខុសច្បាប់។ គណៈកម្មការចំពោះកិច្ចនេះមានលោក កង សាខន រដ្ឋលេខាធិការក្រសួងមហាផ្ទៃជាប្រធាន និងមានអនុប្រធាន ព្រមទាំងសមាជិក ១១នាក់ផ្សេងទៀត៕ ខាងក្រោមនេះជាសេចក្តីសម្រេចរបស់ឧបនាយករដ្ឋមន្ត្រី ស សុខា៖

(សូមអានបន្ត)

ឯកឧត្តម ហេង សួរ និងប្រធានសភាពាណិជ្ជកម្មអាមេរិកនៅកម្ពុជា(AmCham) ប្តេជ្ញារួមគ្នាបង្កើនផលិតភាពការងារសម្រាប់ទាក់ទាញការវិនិយោគបន្ថែម

 ឯកឧត្តម ហេង សួរ និងប្រធានសភាពាណិជ្ជកម្មអាមេរិកនៅកម្ពុជា(AmCham) ប្តេជ្ញារួមគ្នាបង្កើនផលិតភាពការងារសម្រាប់ទាក់ទាញការវិនិយោគបន្ថែម

ភ្នំពេញ ៖ ឯកឧត្តម ហេង សួរ រដ្ឋមន្ត្រីក្រសួងការងារ និងបណ្តុះបណ្តាលវិជ្ជាជីវៈ កាលថ្ងៃចន្ទ ទី៣ ខែមិថុនា ឆ្នាំ២០២៤នេះ បានជួបពិភាក្សាការងារជាមួយលោក Mr. Carsey Burnett ប្រធានសភាពាណិជ្ជកម្មអាមេរិកនៅកម្ពុជា (AmCham) នៅទីស្តីការក្រសួងការងារ និងបណ្តុះបណ្តាលវិជ្ជាជីវៈ។

ក្នុងជំនួបនោះ ឯកឧត្តមរដ្ឋមន្ត្រី និងលោក Mr. Carsey Burnett បានពិភាក្សាលើការដោះស្រាយបញ្ហាប្រឈមដើម្បីបង្កើនផលិតភាពការងារក្នុងចង្វាក់ផលិតកម្មសំដៅធ្វើឱ្យកម្លាំងពលកម្មនៅកម្ពុជាកាន់តែមានផលិតភាពខ្ពស់ ក្នុងការទាក់ទាញបាននូវការវិនិយោគបន្ថែមទៀតពីសហរដ្ឋអាមេរិក។

បន្ថែមពីនេះ ឯកឧត្តមរដ្ឋមន្ត្រី បានបញ្ជាក់ទៅកាន់សមភាគីផងដែរថា ដើម្បីបង្កើនផលិតភាពការងាររបស់ប្រជាពលរដ្ឋឱ្យកាន់តែប្រសើរបន្ថែមទៀតក្នុងការបំពេញតម្រូវការជូនវិស័យឯកជននោះ គឺក្រសួងការងារ និងបណ្តុះបណ្តាលវិជ្ជាជីវៈ ដែលជាសេនាធិការរបស់រាជរដ្ឋាភិបាល បានផ្តល់ការបណ្តុះបណ្តាលជំនាញបច្ចេកទេសវិជ្ជាជីវៈទៅដល់ប្រជាពលរដ្ឋទាំងអ្នកមិនទាន់មានការងារធ្វើ និងអ្នកដែលកំពុងប្រកបការងារ អាចចូលសិក្សាបានតាមវេនសិក្សាដែលមានភាពបត់បែន។ 

ទន្ទឹមនឹងនេះ ភាគីទាំងពីរ បានឯកភាពរួមគ្នាជំរុញការអភិវឌ្ឍជំនាញថ្មីៗនៅកម្ពុជាដែលទីផ្សារកំពុងត្រូវការបន្ថែមទៀតដើម្បីបង្កើនផលិតភាពការងារឱ្យស្របទៅតាមតម្រូវការចាំបាច់ក្នុងទីផ្សារដែលកំពុងប្រកួតប្រជែង និងដើម្បីទាក់ទាញការវិនិយោគធំៗមកកាន់កម្ពុជា។ ជាមួយគ្នានេះ ឯកឧត្តមរដ្ឋមន្ត្រី បានសង្កត់ធ្ងន់ថា ភាពជោគជ័យរបស់សភាពាណិជ្ជកម្មអាមេរិកប្រចាំនៅកម្ពុជា គឺជាអ្វីដែលក្រសួងផ្ទាល់ ក៏ដូចជារាជរដ្ឋាភិបាលចង់បាន៕ 

(សូមអានបន្ត)

រដ្ឋមន្រ្តីការពារជាតិអាមេរិក បំពេញទស្សនកិច្ចផ្លូវកា រនិងជាប្រវត្តិសាស្រ្តមកកម្ពុជាជាលើកដំបូង នាថ្ងៃនេះ

រដ្ឋមន្រ្តីការពារជាតិអាមេរិក បំពេញទស្សនកិច្ចផ្លូវកា រនិងជាប្រវត្តិសាស្រ្តមកកម្ពុជាជាលើកដំបូង នាថ្ងៃនេះ

រដ្ឋមន្រ្តីការពារជាតិអាមេរិក បំពេញទស្សនកិច្ចផ្លូវកា រនិងជាប្រវត្តិសាស្រ្តមកកម្ពុជាជាលើកដំបូង នាថ្ងៃនេះ លោក ឡយ អូស្ទីន Lioyd Austin រដ្ឋមន្រ្តីក្រសួងការពារជាតិអាមេរិក នៅវេលាម៉ោង ៩ព្រឹក​ថ្ងៃទី៤ ខែមិថុនា ឆ្នាំ២០២៤នេះ បាន​មកដល់ប្រទេសកម្ពុជា ខណៈដំណើរទស្សនកិច្ចជាផ្លូវការ និង​ជាប្រវត្តិសាស្រ្តរបស់រដ្ឋមន្រ្តីការពារជាតិប្រទេសមហាអំណាចមួយនេះ ក្នុង​គោល​បំណង​ពង្រឹង​កិច្ច​សហប្រតិបត្តិ ការទ្វេភាគីជាមួយកម្ពុជាឲ្យកាន់តែល្អប្រសើរបន្ថែមទៀត ជាពិសេស​ជំរុញ​កិច្ច​សហប្រតិបត្តិការការពារជាតិឱ្យកាន់តែស៊ីជម្រៅ សម្រាប់ការថែរក្សានូវ សន្តិភាព ស្ថិរភាព និងការអភិវឌ្ឍប្រកបដោយ ចីរភាពរបស់ប្រទេសទាំងពីរ ក៏ដូចជាសម្រាប់​តំបន់​ទាំងមូល​។ យោងតាមសេចក្តីប្រកាសព័ត៌មានរបស់ក្រសួងការពារជាតិកម្ពុជាដែលទូរទស្សន៍BTV ទទួល​បាន​​បាន​បញ្ជាក់ថា ក្នុងក្របខ័ណ្ឌទស្សនកិច្ចនេះ លោក ឡយ អូស្ទីន នឹងជួបសម្តែងការគួរសម និង​ពិភាក្សាការងារដាច់ដោយឡែក ជាមួយថ្នាក់ដឹកនាំជាន់ខ្ពស់មួយចំនួន នៃព្រះរាជាណាចក្រកម្ពុជា ដែលក្នុងនោះ រួមមាន៖ សម្តេចអគ្គមហាសេនាបតីតេជោ ហ៊ុន សែន ប្រធានព្រឹទ្ធសភា នៃ​ព្រះរាជាណាចក្រ​កម្ពុជា សម្តេចមហាបរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រ​កម្ពុជា និងឯកឧត្តម នាយឧត្តមសេនីយ៍ ទៀ សីហា ឧបនាយករដ្ឋមន្ត្រី រដ្ឋមន្ត្រីក្រសួង​ការពារ​ជាតិ ដើម្បីបន្តពង្រឹង និង ពង្រីកកិច្ចសហប្រតិបត្តិការល្អរវាងប្រទេសទាំងពីរ កម្ពុជា- អាមេរិក ដែល​មានជាង៧០ឆ្នាំមកហើយ ជាពិសេសតាមរយៈ ការជំរុញការអនុវត្ត កិច្ចសហ​ប្រតិបត្តិការ​របស់​រដ្ឋាភិបាល​ទាំងពីរ។ បើតាមសេចក្តីប្រកាសព័ត៌មានរបស់ក្រសួងការពារជាតិកម្ពុជា បាន​បញ្ជាក់​បន្ថែម​ទៀត​ថា «​ដំណើរ​ទស្សនកិច្ចផ្លូវការ ឯកឧត្តម ឡយ អូស្ទីន រដ្ឋមន្ត្រីក្រសួងការពារជាតិសហរដ្ឋអាមេរិក នឹង​បញ្ជាក់​ជាថ្មី នូវចំណងមិត្តភាពដ៏យូរអង្វែង និងគូសបញ្ជាក់​ពី​ការ​ប្តេជ្ញា​ចិត្ត​របស់​ក្រសួង​ការពារ​ជាតិ អាមេរិក និងកងយោធរាលខេមរភូមិន្ទក្នុងការសហការជាដៃគូរដ៏សំខាន់ ដើម្បី​ជំរុញ​កិច្ច​សហប្រតិបត្តិការ ការពារជាតិឱ្យកាន់តែស៊ីជម្រៅ សម្រាប់ការថែរក្សានូវ សន្តិភាព ស្ថិរភាព និង​ការអភិវឌ្ឍប្រកបដោយ ចីរភាពរបស់ប្រទេសទាំងពីរ ក៏ដូចជាសម្រាប់តំបន់ទាំងមូល»៕

(សូមអានបន្ត)